(صباح الخير يا بويا .... لسة بردة مصمم تاخدنى لقدرى فى الأمن يا بوى)
انتقال حميدة من مركز التدريب الى محافظة أسيوط وبالتحديد زيادة فى ديروط كعضو للأمن المركزى ..... كان الموضوع دة مخلية بيرقص من الفرحة , وخصوصا أنة اتنقل معاه صديقة الجديد عمرو الى من محافظة المنيا .... وكان أول يوم ينزل فية كان بداية لأكبر فترة أرهابية تشهدها المحافظة
البداية كانت من قرية صغيرة بجوار ديورط أسمها (صنبو) أتنين فلاحين واحد مسلم والتانى قبطى القبطى أستلف شوية فلوس من المسلم وبعد كدة طبعا المسلم كان عاوز فلوسة ,,,, راح بكل بساطة رايح للقبطى
(يا معلم انا عاوز فلوسى)
القبطى ما تعرفش مكنش معاه فلوس ولا كان مفترى شوية ,,, المهم ما وافقش يرجعلوا الفلوس ... طبعا كان لازم يتخانقوا مع بعض وخناق الأفراد فى الصعيد يعنى خناق عائلات راحت العملية هاصت ومات أتنين مسلمين وواحد قبطى .. لغاية الان خناقة عادية طبعا كانت الجماعات الأسلامية فى الفترة دى سخنة جدا
(أزاى ياأميرينقتلوا أتنين مسلمين وقصادهم واحد قبطى ... , يا أمير لازم تكلم مولانا فى مصر ونحارب الكفرة دول .....)
كبير الجماعة فى القاهرة ما وافقش بسهولة يعنى رفض شوية لغاية ما وافق مؤخرا وبدأت المجازر ..... الجماعات الاسلامية قامت بعمل كمائن للأقباط لغاية ما موتوا بدل الواحد أكتر من 15 واحد .. كان لازم الداخلية تدخل وفعلا الداخلية أتدخلت بس كعادتها دايما مكنش فى عدل , راح الجماعة قاموا بأغتيال رئيس مباحث ديروط والعملية بعد ما كانت أقباط ومسلمين أتقلبت حكومة وجماعات أسلامية وبدأت الحرب ......
طيب هو حميدة كان فين فى وسط المصايب دى هو وعمرو دة الى هانعرفوا حالا
حميدة كان موجود فى قسم ديروط فى الحراسة ... كانت أيام حميدة فى ديروط أسود مما كان يتخيلة . كان يوميا يخرج فى كماين مع وكل يوم كانت تحدث مواجهات دامية (كبيرة) يعنى مع الجماعات حتى حدث ما كاد أن يقلب حالة
كان عادى واقف فى حراسة متأهب بالرشاش الخاص بية وفى فترة بعد السادسة الى كان بيدأ حظر التجوال فيها ... وفجأة وبدون مقدمات عربية ميكروباص وقفت امام القسم ونزل منها كام شاب ومعاهم بنادق كانت المفاجئة كبيرة على حميدة لأن هؤلاء الشباب كانوا أصدقائة فى الماضى ... راح باصصلة كبيرهم
(انت بتعمل أية هنا ياولد .......... يالا أجرى من أهنة أحنا جايين ناخد بالتار وانت من حدانا فى البلد يالا أنفد بجلدك واجرى)
طبعا كان الموضوع دة بالليل .. ومكانش حد فى الحراسة الأ حميدة ومعاه عسكرى تانى مش عمرو طبعا والعسكرى التانى على طول جري وساب الدنيا تولع
(ياعم الى بتعملوة دة حرام عليكم انتوا هادمروا البلد موتونى قبل ما تدخلوا أحسن انا هنا بعمل واجبى .. عاوزين تموتونى موتونى ....)
(أموتة يا أمير..................؟؟؟؟؟؟)
(انت الى أخترت يا ولد.........)
وفجأة بدأت طلقات النار تدوى صمت الليل ... والعسكرى الى هرب رجع بقوة من الحكومة وكانت بالفعل معركة قوية مات فيها العسكرى الى هرب هو ورائد .. الغريبة انة حميدة كان زى السبع ولم يأمر الأمير للصداقة القديمة بضرب حميدة الى أتخذ مكان مناسب لهذة الحرب وحاول هو كمان ما يضربش الأمير صديقة الكبير .... وأخيرا أنتصرت الداخلية وتم القبض على أفراد الجماعة
وبالرغم من تكريم حميدة وحصولة على وسام الشجاعة من السيد وزير الداخلية شخصيا دة غير أنة اتنقل فى سجن أبو زعبل بالقاهرة يعنى أصبح بعييد عن كل هذا ... ألا انة كان على طول حزين ومش عارف ينسى أصدقائة الى أتحولوا أمامة الى أرهاب ... والى كان مدايقة أكتر أنة عارف أنهم مش أرهابين دول عاوزين ياخدوا بالتار وبس يعنى موتة فى موتة مش أكتر ...
طيب دة حميدة طيب وعمرو فين ...........؟
عمرو كان أذكى من حميدة شوية عمرو أصلا داخل الحكومة يستخبى فيها يعنى مكانش عاوز يكسب أعداء من ولاد بلدة .... كان بداية عمرو فى قسم ملوى العام يعنى فى بلدة والوضع فى ملوى كان غير ديروط خالص يعنى فى ملوى مكنش تار زى ديروط ملوى كان معظم الى بيقتلوا فى الشرطة فيها ناس مش من أهلها يعنى غرب عنها .... كان عمرو ملاحظ انة كل ما تجيلهم أخبارية انة فى أرهابين فى مكان معين يروحوا يلاقوا فى أثر ليهم بس مفايش ولا واحد والموضوع دة بيتكرر فى وجود أحمد باشا نزية الرائدز .... وبشوية مراقبة وشوية رخامة عرف أنة الباشا دة عميل مزدوج ,,,, يعنى الفرصة جاتلة على طبق من دهب راح قايل للباشا
(يا باشا انا عاوز ااشتغل معاكم .....؟)
وبأستغراب رد الباشا
(مع مين ياروح امك .... انت مش شغال معانا هنا فى القسم ... ولا عاوزنى اشغلك فى بيت ابويا )
(يا باشا انا عرفت كل حاجة .... وقابلت الأمير عبدون .. اكيد سياتك تعرفة)
كانت أخر كلمها نطقها عمرو زى طلقة النار فى صدر أحمد باشا وفى سرعة البرق كان صوت الرصاص بيكهرب القسم كلة وتانى يوم انتشر هذا الخبر فى الجرايد
(رائد شرطة يقتل فرد أمن مركزى بالرصاص عن طريق الغلط .... )
وكانت التفاصيل كلها ذكرت فى الجرايد على انة أحمد باشا وهو بينضف السلاح الميرى بتاعة موت المجند عمرو ... وطبعا الخبر انتشر وزاد من أعباء حميدة النفسية وكان قرارة الوحيد والنهائى
(انا لازم اسيب الشغلانة بنت الكلب دى ..... تعبت يابوى مش قادر أكمل يابوى انا كل يوم بعمل حجات قذرة فى المكان دة ....يابوى احنا هنا بنعمل جرايم أكبر من الى بيعملوها الأرهابين يا بوى تصدق انا بيجبرونى أغتصب بنات ونسوان يا بوى ... يا بوى أحنا هنا زينا زى الشياطين ساعدنى يا بوى أخرج من هنا)
كان دة جواب عاوز يبعتة حميدة المسكين وهوة ما يعرفش أنة كل حاجة فى المعتقل تحت المراقبة يعنى الجواب شافة محمود باشا مدير السجن وفى دقائق كان حميدة يعاقب ... وكان بعد التكريم تأتى العقوبة فكانت عقوبة حميدة بالتعذيب زية زى المعتقلين والغريبة انة أصحابة الى كانوا بيعذبوة .... فكانت هذة هى نهاية أخر ما تبقى من رجولة حميدة وأخلاق القرية فأصبح حميدة جديد جدا
يعنى ممكن يغتصب زوجة معتقل بأشارة من صباع البية الظابط الصغير وكان بيقوم بالحجات السودة دى وهو مبسوط جدا ... وكان ممكن يعمل اى عمل بدون أحساس بالزنب أو اى شعور أخر ........................................يعنى الخلاصة
حميدة أتقلب الى حيووووووووووووووان وحيوان شرس جدا بأشارة واحدة ممكن يفترس أى أنسان يواجهة .. دة حتى كان بطل تقريبا ينزل بلدة تانى كان درجة كرهة للعيشة بتاعتة أنة كرهة أبوة وأمة حتى أختة الوحيدة كرهها هى التانية
ومرت شوية أيام كتار أنتهى فيها الأرهاب من مصر وبدأت ظهور قوى جديدة فى مصر بعد تخليص البلد من الجماعة الأسلامية .... بدأ ظهور الأخوان وقوى المعارضة التى ظهرت وبقوة ولكن هو حميدة فين وياترى أخلاقة فى الحضيض زى ما هى .................................................. .......................؟؟؟؟؟؟؟؟؟؟؟؟؟
الجزء الرابع
كان الفرق بين حميدة قبل ما يدخل وزارة الداخلية وبعد مرور اكتر من 9 سنوات فيها ... كالفرق بين قطة مسالمة وأسد طامع فى لحوم البشر وكانت النقلة التى أحدثت لة ذلك هى الأعتداء علية من زملائة ... جعلة هذا الموقف يقول علي وعلى أعدائى يعنى أضربهم قبل ما يضربونى
أصبح حميدة وحشا بمعنى الكلمة يعنى ممكن أن يغتصب او يضرب او يهين فتاة او رجل دون لحظة واحدة من الندم فكان يعتبر ما يفعلة جزاء لما فعلة بة والدة فكان ينتقم من كل ما يقف أمامة وقد أنتشر اسم حميدة فى كل المعتقلات التى عمل بها .... كان حميدة يتفوق على ظباط امن الدولة فى أستحداث طرق جديدة لتعذيب المعتقلين وكان من تفوق الى تفوق حتى برز أسمة كأثر أفراد أمن الدولة تأثير فى معتقلات مصر .... اما عن أهلة فلم يتذكرهم طول خدمتة فى امن الدولة حتى بعد وفاة أبية لم يذهب لكى يشيع جثمانة بل فى نفس اليوم كانت شهيتة على التعذيب كانت أكبر من اى يوم أخر .... وبالطبع فى ظروف حميدة مفايش جواز يعنى هايتجوز أزاى وكانت حياتة كلها أزى فى خلق الله....
مصر فى الالفية الجديدة مختلفة تمام الاختلاف عن مصر فى أواخر التسعينات كان الأرهاب فى التسعينات من مجموعة بلطجية بأسم الدين ...... أما فى الالفية الجديدة أصبح الأرهاب أرهاب أمن دولة
النظام المصر فى هذة الفترة خاضع خضوع تام للولايات المتحدة الأمريكية ...
فكان خطاب الرئيس المصرى فى جامعة المنوفية عن تطوير للدستور فى المادة 76 .. كان صدور تلك المادة بداية من جديد لأرهاب الدولة الجديد ..
كان جديد تلك المادة الاقتراع السرى المباشر بين أكثر من مرشح ولكن بشروط تعجيزية لا يستطيع ان ينفذها سوى الرئيس نفسة
فكان من الصحف المستقلة جميعا ألا ان قامت بحملة مضادة لحملة الصحف القومية وكانت تحفز الناس على أن لا يوافقوا على تلك المادة
كان على وزارة الداخلية الأستعداد ليوم الأستفتاء ... كان الأستعداد كبير حتى أنة فى معتقل دمنهور كانت زيارة مسئول أمنى كبير الى المعتقل وبالمناسبة هذا المعتقل هو الاخير الذى يعمل فية حميدة .. وكان هناك أجتماع لأفراد الامن مع هذا المسئول وفى هذا الأجتماع كانت هذة الكلمة للمسئول
(أكيد انتوا طبعا حاسين بالتقدم الى فية البلد ... وأكيد عارفين انة الريس عاوز يدخل الديمقراطية البلد الى غايبة عنها من زمن كبير .. بس في ناس ولاد(....) مش عاوزين للبلد اى تقدم عاوزين بس خراب لاعجبهم أنتخاب ولا عاجبهم أستفتاء هما عاوزين يولعوا فى البلد وخلاص ولا أية ...........؟)
طبعا كان رد كل الأفراد بشوية الظباط الى واقفين
(تمام يا فندم)
(أحنا عاوزين نأدب الناس دى من غير ما نظهر أننا أمن علشان ولاد الكلب بتوع قناة الجزيرة والقنوات الفضائية الى عاوزين جنازة ويشبعوا فيها لطم ... انا عاوز كل واحد فيكم يجبلى كام بلطجى وتفهموهم أنهم يعملوا اى حاجة حتى لو عاوزين (....) البنات انا موافق المهم ما يطلعش فى التلفزيون واحد لابس لبس شرطة فى وسطهم فاهمين ... ويارايت تيجبوهم من خارج القاهرة يعنى ممكن يكونوا صعايدة او فلاحين فاهمين ..........؟)
(تمام يا فندم)
بعدها أخد حميدة أجازة متفق عليها وقرر أنة ينزل ديروط ويشوف منها كام واحد يساعدوة فى اليوم دة .. كانت الحجة فاطمة بعد وفاة زوجها قررت الأقامة مع بنتها فى مدينة أسيوط وطبعا حميدة لم يعلم كل التطورات دى .. فقرر بعد معرفتة بالأخبار دى السفر لأمة فى أسيوط التى لم يتعب فى الوصول أليها وفى تمام الساعة الخامسة وجد عنوان أختة فى شارع يسرى راغب ....
(أيوة انا جاية أفتح أنا جايية ....)
كان دة صوت زينب أختة ... وكانت مفاجئة كبيرة أول ما شافتة
(أخوى لسة توك فاكر تيجيى تشوف أمك وأختك ...)
كانت أختة فعلا وحشاة جدا بس قلبة بقى زى الحجر فبكل برود
(أزيك ياختى ... عاملة أية)
كانت أمة الزمن هلكها فبصعوبة كبيرة عرفت توصل لباب الشقة
(ولدى أنت جاي لية انا حميدة أبنى مات من يوم ما أبوة مات ... انت مش أبنى انا معارفكش .. يالا غور من أهنة احنا اتنين واليا وجوز المسكينة دى مش هنا يالا أمشى)
كانت الحاجة فاطمة بتقول الكلام دة وهى بتبكى وكان نفسها ياخدها فى حضنة ويبوس أيديها ويقلها انة اسف بس حميدة معاملش كدة
(والله يامة انتوا الى عملتوا فية أكدة ابوى هو الى أخدنى الغابة كان لازم أكون أسد بدل ما أكون قطة وياكلونى ... وانتى شاركتى معاه بسكوتك وجبنك .. انا كنت جاى أطمن عليكم بحكم أنكم أهلى بس انتوا مش عاوزينى .. انا هاغور يا أمى بس أوعدك انتى مش هاتشفينى تانى )
كانت أختة انهارت وقبل ما يمشى مسكتة من هدومة وقالتلوا
(أخوى ما تسبناش يا خوى أحنا محتجينك)
حميدة لم يستمع لكلام أختة ونزل وسابلهم المكان وهو مقتنع أنة امة واوة سبب كل البلاء الى هو فية
كانت هذة نهاية زيارة حميدة الى أسيوط وكان قد جمع من شباب أسيوط 15 شاب للمشاركة فى يوم الأستفتاء
وكان يوم الاستفتاء من بدايتة مشحوم يعنى حميدة كان لابس لبس مدنى وكان واقف امام نقابة المحامين ومعاه 4 شباب واندسوا فى وسط مظاهرة وأول ما أترفع شعار مناهض للأستفتاء على المادة بدأ الضرب
فقام حميدة ومن معة بضرب كل ما حولهم من بنات وشباب بل قام بعض الشباب بتقطيع ملابس البنات ... وكان نجاح حميدة فى هذا اليوم كبير جدا حتى أنة نال تكريم هذة المرة من الرئيس نفسة بس بعد نقلة فى معتقل مدينة نصر وجد مالم يتوقعة أبدا ...............................................؟
الجزء الخامس والأخير
الدكتور محمد عبدالله هو من مواليد 1956كان من مواليد العدوان الثلاثى .... المهم الدكتور محمد ورث عن والدة بعض الاراضى الزراعية ولكنة تفوق فى التعليم الأزهرى فكان أصغر من حصل على الماجستير فى علوم القرأن الكريم ... وعندما أخد الدكتوراة كان سنة لايتعدى 40 عام وكان الدكتور محمد منضم الى الآخوان المسلمين من سن صغير يعنى من الثانوية وكان من أنشط أعضائها .. وكان كثيرا ما ينفق عليها من جيبة الخاص ... وكانت خطوبة الدكتور من الانسة زينب محمد الطالبة بجامعة الأزهر فى حفل بسيط كان يحضرة حميدة قبل أن ينضم الى الامن وباقى العائلة ..ثم كان الزفاف فى نفس العام فى حفل بسيط وسفر زينب مع زوجها الى أسيوط لتكون أسيوط هى الآقامة الدائمة لها ....
بدأ الأمن فى القبض على الدكتور محمد منذ عام 2000 وذلك فى كل مناسبة دينية فكان يتوقع القبض علية فى كل لحظة وكان دائما ما يستعد بالليل ويجعل زوجتة تلبس الملابس الشرعية لأحتمالية القبض على زوجها ... وكان هذا اليوم الذى تم فية القبض على الدكتور قبل الاستفتاء على المادة 76 بأكثر من 10 ايام أتقاء لشرة هو ومعظم القيادات الأخوانية فى مصر المحروسة كلها
وكان هذا هو اللقاء الذى لم يتخيلة حميدة فللعلم الدكتور محمد من أقرب الأشخاص الى بيحبهم حميدة وطبعا حميدة كان كل خوفة من أنة يبقى الشخص الى ممكن يعذب الدكتور محمد
(معلش والله يا دكتور انا مخابرش هما جايبينك أهنة لــــــــــــــية..؟)
(انا خلاص الحياة دى بقيت بتاعتى ... المهم انت روح شوف أمك وأختك مالهمش غيرك ...........)
كان حميدة فعلا فى اللحظة دى بدأ يفكر فى أختة هو عارف الى بيحصل لحظة القبض على أى واحد أية الى بيحصل فى باقى البيت من بهدلة وشتيمة ....
(انا هاحاول أخد أجازة يا دكتور وهاروحلهم ... وادعيلى يوافقوا عاليها)
(عسكرى .................... بتعمل أية مع المعتقل .. أجمع)
كان دة صوت ظابط كان معدى أمام زنزانة الدكتور وطبعا كان لازم يسأل حميدة بيعمل أية مع المعتقل وراح جاوبة حميدة على طول
(المعتقل دة جوز أختى يا باشا......)
وبعد هذا الحوار كان حميدة تانى يوم فى معتقل دمنهور ومنها الى مبنى امن الدولة فى القاهرة الذى كان يستعد لأنتخابات الرئاسة الأولى من نوعها والذى أكتسحها الرئيس الحالى بمساعدة الأمن وكانت الأنتخابات التشريعية فى مصر لسنة 2005 التى كانت فى مراحلها الاولى ممحترمة جدا وكان الأمن بعيدا كل البعد عن البلطجة مما أسفر عن تفوق الاخوان المسلمين على اعضاء الحزب الحاكم .. الذى شعر بالرعب فكانت المرحلة الثانية والثالثة هى أهم حلقات الارهاب الأمنى على المواطنين
وكانت امن الدولة فى القاهرة يعتبر مشتعل لكثرة التفاعلات فية وكان هذا أجتماع موسع لكبار ظباط أمن الدولة
(شفتوا لما سيبناهم شوية أهم الأخوان كسبوا المرحلة الأولى ... وانتوا نايمين ... يعنى لو كسبت الكلاب دى هايشردونا فى المجلس ... والراجل الكبير زعلان اوى من الى حصل دة يعنى لو كملة الانتخابات على المصيبة دى هانغور كلنا فى مصيبة )
كان دة صوت العقيد محمد مهران وكان على أخرة وكمل وقال
(انا جايبلكوا خطة لازم تتنفذ أحنا هانحتل باقى الدواير فى المراحل القادمة وهاتكون ... وهانزرع فى كل الدواير بلطجية هايتعاملوا مع أى واحد من المعارضة .. وكمان القضاة دول مش عارف أعمل فيهم أية واحد بتكون زمتة أستك والباقى بيرفضوا التزوير مش عارف لية .........؟ على العموم أحنا هانلعب على الناس الى مش لاقية تاكل انا معايا ميزانية مفتوحة فى كل الدواير انا عايزكم تصرفوا على كل الى عاوز ...... والبهايم الى مرشحها الحزب انا هابدل كرامتهم زم يتاعونوا معانا ..... لازم المرحلة الجاية تكون لينا للحزب الحاكم دى فيها حياتنا كلنا ... الراجل الكبير مش هايسبنا فى حالانا فاهمين.............؟)
كان بعد الأجتماع أتفرقة فرق من أمن الدولة فى كل الدواير وكان حميدة فى مدينة المنصورة التى شهدت أكبر أنواع الأرهاب فى مصر من الأمن ....... ولكن حميدة فى هذة اللحظة مل من كل هذا ....
وكانت بداية جديدة من حميدة فى حياتة بعد الأنتخابات التشريعية وفى بداية حملة الدولة على الاخوان المسلمين والقبض مرة أخرى على على الدكتور محمد عبد العال وجميع قمم الاخوان المسلمين الذى جعل حميدة يتغير ويكرة عملة كلة وحاول بكل الطرق ليأخذ على أجازة من عملة وبالفعل حصل على أجازة ونزل الى أسيوط
كان نزول حميدة الى اسيوط يختلف عن المرة السابقة فهذة المرة كان قد سامح والدة ووالدتة وذهب لكى يحضن والدتة ويقول لها سامحينى
كانت لحظة اللقا مؤثرة أختة كانت مريضة ولكنها عندما رأتة
(أخوى انا كنت محتجالك قوى ............. احنا اتبهدلنا يا خوى أصحابك فى البوليس بهدلونا يا خوى ... دول حتى أمك ما حترموش كبرها وفتشوها وبسببهم جاتلها جلطة ومش بتتكلم دلوقتى يا خوى ... يا خوى انا جوزى مش مجرم هما المجرمين والله يا خوى )
حميدة أول ما سمع أنة أمة مريضة شعر انو هو السبب جرى حميدة على سرير أمة وحضن رجلها وباس عليها وهو بيقول
(سامحينى يامى انا اسف انا السبب سامحينى أرجوكى سامحينى .... كلمينى يامى قوليلى أمشى قومى أضربونى يامى )
وفى اللحظة دى حميدة كان بيبكى بحرقة وكان ندمان على كل ما فعلة وكانت كل أمنياتة من ربنا أنو أمة تتكلم ولو لدقيقة واحدة وتقول
(سامحتك يا ولدى)
كان دة الصوت الى أتمنى حميدة أنة يسمعوا من ساعت ما نزل أسيوط وفعلا أمة أتكلمت وكان نفسها يكون معاها المتبقى من عمرها ... بس هو أقنعها أنة هايسافر يخلص أوراقة ويرجع يكمل حياتة معاها هى وأختة ..... وكانت لحظة الوداع جامدة كانت الحاجة فاطمة على سرير المرض تبكى حال أبنها ... وأختة كانت تبكى على حال أخوها وزوجها الدكتور محمد ... ولكن سافر حميدة وكل ما فى بالة يتخلص من كل ما فعلة ولا يفعل أى أشياء أخرى من تعذيب للمواطنين
وكان نقل حميدة الى معتقل دمنهور الذى يعتبر معتقل (جوانتنموا) المصرى وكان هذا اليوم الكبير الذى أمرة ظابط أمن دولة بالتعدى على فتاة وأن يجردها من ملابسها وكان حميدة من أشهر أفراد الأمن فى هذة الأفعال
(لا يا فندم مش هاعمل أكدة تانى)
كان دة رد حميدة على الظابط الى قال
(أحنا هانهرج يا روح أمك .... ولا أحنا بنلعب هنا)
(انا أسف يا باشا )
وكانت دى نقطة تحول جديدة فى حياة حميدة ... ولكن هل تستمر ..........؟
لم يستمر هذا الوضع كثيرا فتم نقل حميدة مكان أخر وهو المكان الذى شهد الحادث المؤسف الذى بدأت بة هذة القصة وكان على أثرة وفاة والدتة من الزعل علية ... ولكن الجديد هو أعتقال أختة وكانت للتحقيق معها فى حادث حميدة .......
المشاركة الأصلية كتبت بواسطة خليد خريبش
