الو ...... أزيكم أخباركم أية.................؟
طبعا عاوزين تعرفوا بتكلموا مين...................؟ انا تليفون بتاع مكتب أتصال .............. يوة واحد بيسألنى يعنى أية مكتب أتصال لو انتوا على طول مستعجلين كدة............؟
مكاتب الأتصالات منتشرة فى مصر .....وهما بيجبونى انا وكام عدة تانية تابعة للمصرية للأتصالات .... ويخلونى شغال اليوم كلة لغاية ما يفضونى من الشحن اما عن يومياتى فهى هابدأ معاكم من أول اليوم
الراجل الى أشترانى عصبى قوى .... مش عارف لية؟ أول ما بيفتح بكون انا طبعا عالشاحن بيشحن فى أهلى من الليل لغاية ما عملى تخمة من الشحن وهوة مش حاسس بية خالص... ياة أخيرا خلع الشاحن تعرفوا لو فى لسان كنت بهدلت أهلة بس هاعمل أية ....الراجل الى أخترعنا محطلناش لسان علشان أبهدلة بية......
وبكل رخامة الدنيا دخل اول واحد يييييييية مزيت وهايوسخنى ياه الأصتباحة باين عاليها زفت.... الو
الظاهر انة فى واحدة رادت عالية أسيبكم معاه تسمعوا شوية
(أيوة حبيبة جلبى عاملة أييييييييية؟)
(أيوة حياتى انا كويسة .... بس انتى لية ما بعتليش الرصيد الى قلتلك عالية......؟)
(والله يا جلبى انا أسف ......... نسيت؟)
(اه ياروح امك نسيت ....... يعنى نسيت تاخد حقك منى كامل مكمل..............؟)
انا رجعت الظاهر الناس دى هايبهدلو بعض والظاهر أكتر هايقولوا كلام ما يصحش..... الحمد لله الراجل خلص .. هارتاح أخيرا ..بس المصبة الى انا عندة مش يسكت ويسبنى فى حالى اريح لأ.... الراجل سابنى من هنا وهو راح مشغل اللعب وبيلعب ...يعنى انتحر وأسيب نفسى وأبوظلة البطرية علشان يرتاح...
الظاهر زبون تانى داخل ....الزبون دة يا جماعة واحدة كبيرة مش عارف داخلة تعمل أية...؟
(الو)
(أيوة يا بنى عامل أية؟)
(مين؟)
(انا يابنى أمك أخبارك أية........؟ تسيبنى هنا يابنى انا مش لاقية أكل وانت مش بتسأل حرام عليك؟)
(أيوة ياما والله مزنوق فى الشغل .... ومراتى مش مخلية معايا حاجة ...هاعملك أية يعنى ما انتى عندك شطوحة فى البلد خلهم يصرفوا عاليكى ........انا قرفت منكم وسيبتلكم البيت .وانتوا مش عاوزين تسيبوونى فى حالى لية؟)
(خلاص يابنى أقفل انا اسفة .......... وخليك مع مراتك .وحسبى الله ونعم الوكيل)
والله الست صعبت عليا قوى ... تعرفوا لو بعرف اعيط كنت عايط ... والراجل الجبلة الى انا بتاعة مفيش فايدة ولا اتأثر
(الفلوس يا ست...... خمس دقايق ب2جنية ونص)
(والله يا بنى مفايش معايا ألا جنية واحد...........)
(وانا مال أهلى ........ أتصرفى انا مالى انا )
(خلاص يابنى خد الشنطة خاليها عندك ........لغاية ما أجبلك الباقى)
(هاتى ........... ويالا غورى هاتيهم بسرعة)
(حاضر يابنى ....... أدينى ماشية)
يا عينى عالست شوية ابنها يشتمها وبعد كدة.......... وبعد كدة الحمار دة يشتمها يعنى الولية تعمل أية حرام عليهم....... والله وانا خاربلة الشبكة ويبقى يجيى يقابلنى لو عرف حد يتصل من عندة
(اييييييييية أم الشبكة دى............... أية الى مخلى التليفون مش مجمع انا اتخنقت النهاردة فى اليوم الاسود دة)
هههههههههههه أحسن والله فرحان فية ومش هارجعلة الشبكة الى لما تجى الغلبانة دى وتاخد شنطتها
(اهوة يابنى الجنة ونص ........... وربنا يسامحك فى الشتيمة الى شتمتها)
(انا اسف يا حجة سامحينى كنت متدايق شوية)
أرجعلة الشبكة بقى .......... دة مرة عملت فية كدة راح رمينى رمية سودة اتبهدلت علشان ارجع تانى .......... ايوة كدة اموت فى الجنس الناعم لما يتصلووا اهههه
(الو......... ايوة حبيبى عامل اية...؟ واحاشنى موت)
( الو ........ مين معايا)
( انت نسيت صوتى ........ طيب مش هاقولك انا مين ألا لما تعرفنى وتقلى أسمى)
(فاطمة)
(لا)
(بسمة)
(لا)
(خلود)
(لا)
( بقى انتى ......... أبتسام)
( ايوة يا خاين ............. كل دول تعرفهم وتقلى أنى انا بس حاببتك ...........انا اخر مرة هاكلمك تانى يالا غورررررررر وماتكلمنيش تانى)
هههههههههه اما بنت عبيطة مش عارفة انها مغفلة لما بتكلم شاب فى الظروف السودة دى ...........ههههههههه والله صعبانة عاليا .......ياه البطرية عندى بدأت تهنج وهو مش واخد بالة انا شكلى بدأت أهنج ومش مستحمل خالص
أيييييييييية انت علطول خربان كدة دانتا تليفون أبن ستين(...............) اعملك فيك أية نفسى) أولع فيك بجاز)
يعنى لو كنت بنى أدم مش كنت بهدلة كرامتة ........ وهو شغال ملطشة فيا أعملة أية يعنى ....... ربنا يهدة
اى دة كمان دة فى واحد بيتصل عاليا مش عارف مين
(الووووووووو .......... ايوة ياد عامل أية يا غبى)
(الووووووو ......... أيوة يا *************فينك والله واحاشنى موووووت ........ مش ناوى تيجى قريب)
(ايوة يا **** أ هوة أدعيلى أن شاء الله قريب جدا هاكون هنا.......... بس عاوز منك طلب صغير انا الرصيد عندى هنج وحيات امك يا شيخ أبعتلى رصيد)
(اييييييييييية؟.............. رصيد وحياة أمك الغالية مفايش انا حتى لسة ما شحانتش ..ويالا غور امشى وريحنى من صوت أهلك)
والله الواد دة انا قرفان منة دة لسة الكداب شحنى من يمكن خمس دقايق والله ربنا هايسمحة من الكدب دة
تعرفوا بقى اصعب حاجة فى يومى هو الزفت الى بيسمعة دة ومشغلة عمال على بطال .... أم صوتة مش بحبة على فكرة مش هاقول أسمة علشان محدش يزعل بس انا بدعى ربنا ياخد كل شرايطة ويريحنى ............ هايبقى هو والزباين يعنى
يا جماعة انا بهنج خالص .......... هو سابنى وراح فين؟ يعنى انا كدة بموووووت ألحقنى يا غبى وأشحنى حرام عاليك
(انت كل نص ساعة عاوز تتشحن انا قرفت من ميتين أهلك............. غور)
انا الأن أحدثكم من مركز صيانة بعد الحادث الأليم الى حصلى .......... بعد ما رامانى الغبى بعفو ما يديلة ربنا......... وادعولى اكمل معاكم اليوم التانى .... يالا سلام وأشوفكم يوم تانى
حمادة زيدان
