السلام عليكــم ورحمـة الله وبركاتــة ،،
شربت الصبر علقم وقلبي اكتوى بنارك
يا مصر يا شمس الأصيل قلبي في النوى دارك
حلمي بسيط ، طابع في صدري رسمك ومكحل عيني بسمارك
باعوا الأرض والعرض إيه يساوي لو أصبح بضاعة لفجّارك
باعوا الأرض والأرض ناكرة لتجّارك
عمار يا مصر ، كام سنة نهب ولسة صامدة في مشوارك
عمار يا مصر بأحرارك وحب القمح في ديارك
حلمي بسيط ، أشوف الأرض بتخرّج بركتها
أشوف إيد بطبطب عالغلابة واسمع بعد طول الصبر ضحكتها
أشوف ناس داست على الهم وغزلت مِ الهنا حياتها
حلمي بسيط ، أقيم الدين في أطفالك وف شبابك وفِ كبارك
حلمي بسيط ، أشوف الظلم بينداس والعدل والحق مرفوع عالجبين والراس
واشوف للأمن حراس تضرب على إيد الظالم مش للبريء تقطع الأنفاس
حلمي بسيط أشوفك جوهرة غالية واشوف هيبتك مجلجلة في الأرض وقوية
عمار يا مصر ، نفسي أشوف الدين في كل شبر من أرضك
واسمع دقات قلبك أذان والقرءان في قلوب الولاد عِزك
عمار يا مصر ، ومهما دقت عالراس طبول
واستكتروا عليّ حبك وباعوكِ لدُول ودُول
الأرض دي عزيزة وعصيّة على الكسر
وعمار يا مصر
