المشهد الثاني
يقف المفتش كرومبو أمام مبنى جامعة الدول العربية .
المفتش كرومبو : الأستاذ عمرو قم باليل اتصل بي عشان معاهدة الدفاع العربي المشترك اتسرقت . ومحدش عارف مين اللي سرقها .
عمرو قم بالليل يقف بجانب المفتش كرومبو وعلامات الاسى والحيرة والاسف تبدو على وجهه .
عمرو قم بالليل : إلحقني يا كورمبو ، سرقو مننا المعاهدة ، أنا سبت المكتب ربع ساعة بس عشان آكل بيتزا في مطعم الجامعة مع مزة حلوة أوي اسمها كوندي ، وكنت بغنيلها أسمر يا أسمراني مين قساك عليا ؟؟ ، وهي كانت عاوزة أي شغلانة عندنا في الجامعة بعد ما اتزحلقت على قشر موز في البيت الأبيض ..بعد ما رجعت مكتبي في الجامعة لقيت المعاهدة طارت ، وزي منت شايف إسرائيل نازلة ضرب في غزة ومحدش يتحرك عشان المعاهدة مسروقة .
المفتش كورمبو : كل الموظفين والضيوف كانوا في مطعم الجامعة بياكلو بيتزا على شرف الست كوندي أسمر يا أسمراني ، ومكنش هناك غير ..
معمر طز في أمريكا اللي كان قاعد يكتب خطاب حماسي عن ظاهرة الختان وعلاقتها بانتشار المحمول في العالم العربي .
وعبد الله تأتأ اللي كان برده قاعد يكتب خطاب وجايب معاه كراسة محو الأمية عشان يعلن تبرع بمليون بزازة لأطفال غزة .
ومحاميحو السادس عشر اللي كان قاعد بيكلم وزير البهايم الإسرائيلي عن صفقة كلاب ما بتهوهوش لقمع المظاهرات .
ولما سألت معمر في طز في أمريكا قال : " معاهدة إيش يا كرومبو ، معاهدة من عهد ، وبعدين أنا قاعد من الصبح بضبط الخطاب عشان عاوز أقول طز في أمريكا ...مشفتش نظارات عمر المختار يا كبتن ؟؟"
ولما سألت عبد الله تأتأ قال " والله يا طويل العمر ما شفت الست معاهدة اللي قاعد تقول عنها ، اش هي معاهدة هاذي ، أنا اشتري غابة معاهدات وأربيها في الصحراء وأطق عليها النار وأشويها ...تأخذ بزازة ..ينفع للعيال اللي في سن حدرتك "
ولما سألت محامحيو قال " جلالة الملك ما يعرفش معاهدة وين راحت ..بزاف أودابا ، وأنا الطلاب هبلوني حابين يعملو مظاهرات ، والكلاب اللي عندي ما تكفيش ...خوذ نفس أنت تاني أودبا بزاف ..دي دي واه ...دي دي واه ..."
ياترا مين اللي سرق
.. نمرة واحد معمر طز في أمريكا
، نمرة اثنين عبد الله تأتأ
نمرة ثلاثة محامحيو السابع عشر .
المفتش كورمبو : أنا من أول نظرة عرفت من اللي سرق المعاهدة ...لو أنت عرفت اتصل على 0000 من أي موبايل أو على الأرقام اللي مبينة في الشاشة ...وابقو قابلوني في الحلقة اللي جاية .
__________________