..يا مَكْتَر حُسّادك يا شهيد
شعر/ سمير الأمير
ذلّيت جبروت أمريكا
ذليت حُسّادك
الحكام العيره
الشيكا بيكا
الرجاله فاشوش
اللى الواحد منهم
بيخاف يهرش فى قفاه
من غير تأشيرة "بوش"
***
يا مكتر حسادك ياصدام
وانت بتدوس ع الخوف
وتبص لقُدّام
من غير ما تعشم فيهم
من غير حتى ما تشتمهم
وكأنك فعلا مش منهم
إنت العربى الحر
لحمك مر ف حلق الرعب اللى مجننهم
دينك عزة وطنك
لكن هما "البيت الأبيض" دينهم
**
يا مكتر حسادك يا شهيد
والأمة بتهتف باسمك يوم العيد
وقت ما كان الحكام العيره بيداروا
خجلاً من صورتك
اللى بتعريهم
لما بتطل عليهم
من كل وشوش الناس
فيطاطوا الراس فاقدين الإحساس
منكسرين وعبيد
***
يا شهيد الوطن المنكوب
ابشر يا شهيد
بكره الشعب العربى حيرجمهم بالطوب
ويعلقهم واحد.. واحد ع العواميد
وساعتها قلبى حيفرح ويغنى نشيد
واللهِ.. حيفرح ويغنى نشيد
