اشهدى على مشهدى

[سمير الأمير]

اشهدى على مشهدى شعر/ سمير الأمير



أنا اللى نايم فى الهدد

ومفيش جاروف عايز يشيلنى

وانت اللى لابسه جديد كأن العيد

فجأه اكتشف انك هِنا

طب حتى بُصى ناحيتى

شوفى الجنازه ناقصها إيه؟



قلبى اللى ملفوف ف الكفن ناقصُه أنا

وأنا اللى مرمى ع الطريق، محتاج عدو

محتاج صديق.. مش مشكله

لكن بجد ..أنا عمرى ما حسيت كده

مجنون أكيد

فى الأربعين الحب أشبه بالمرض

العمر ضاع قومى افرحى

وسيبينى نايم فى الهدد

باينى حافضل مطرحى مليون سنه

من غير جاروف يرمينى فوق كوم البشر

بس المؤكد إن انا ..حافضل أحبك من مكانى

كإنى تمثال الألم

كإنى نقش الريح على جسم الهرم

بس اللى مش هاقدر عليه

إحساس غبى..

إنك سعيده وانا باموت!

* صيف2001

[بنت الشهباء]

فلا تستحق إذاً هذا القلب الوفيّ !!..

لا تستحق الحبّ والوفاء !!..

ما دامت لا تعرف معنى التضحية والعطاء !!...


عذراً منكَ أخي الكريم

سمير أمير

لكن لم أحتمل قولكَ :


إنّك سعيدة وأنا بموت

وقلت في نفسي :

لقد فقدت هذه كلّ شيء!!؟؟؟؟؟...


سلّمكَ الله , وحفظكَ أخي الكريم