اهداء إلى الطيف الهارب منى منذ عام ونصف / الشاعر سعيد شحاتة
وهتفضل تصرخ من جواك
وهتفضل تنده وانا وياك
وهيفضل ساكن
فيا و فيك
صورتة البنت الأمورة
الطالة قصادنا من الشباك
ومحدش كان سامع صوتها
ولاغيرى سامع دقة قلبك فيك
ارجع وارحمنى من الحرمان
ووجع السكة اللى اشتريناه
بوشوش وقروش
وكلام منقوش
على كام دكة
وسهام وقلوب
وكلام من شعرك
اللى مدوبنى
وكان دايب دوب
ياخى قولى هترجع امته ؟؟
واناستناك
وأفتح شباكنا المستنى
وأستنى البنت الواقفة هناك
ترجع من تانى
وتانى
وتانى
وتستناك
وحشتنى ياخى
ووحشنى لقاك
هفتح صفحاتك
وانت بعيد
وهدندن
يمكن قلبك يسمعنى
وترجع يا سعيد
