[align=center:3f1ca8452c]لغة الحجر
كلمات
د/آمال محمودكحيل
لغة الحجر بتقول كلام
ماهوش جديد
بتقول يا غاصب لا سلام
مالك وجود
على أرضي هاتدوق الهوان
لو بعد حين
لا ف يوم هاتشعر بالأمان
ولا بالسكون
أنا طفل قلبه من حديد
مايخافش من
طلقات بارود
ولا من حواجز أو حيطان
ولا من سواتر أو حدود
ولا من قنابل تنفجر
تردي شهيد
ووراه شهيد
بيحلم ب جنة خلود
لغة الحجر بايدين أخويا
بقلب أمي
بنبض دمي
بحلم ابويا بالرجوع
في عيون يتيم
قبل الأوان
اتحكم يعرى ويجوع
وف صدر طفلة
عمرها بعمر الربيع
شنطتها وقعت من إيديها
وانطفت معها الشموع
لغة الحجر
في كفاح سواعد
عزمها عزم الأسود
خطت على الشوك بتحدي
لاجل ما تفل القيود
لاجل ما تعلنها ثورة
تدوّي إعصار ورعود
لاجل ما تسطر حقيقة
غايبة عن عين الوجود
لاجل ما تعيش حرة
وفلسطين تعود
لغة الحجر بتقول أنا
ثورة غضب
بركان في وجه الظلم
طوفان ولهب
أنا جرح في جسم العروبة
التهب
أنا نهر دم على تراب
أرضي انسكب
باصرخ وانادي
حقي بايديكوا انسلب
فين هوه عمر؟
وفين
صلاح الدين ؟
وفين كل العرب ؟
حكام على سفرة عشا
رصوا أحلامنا ف علب
حكام على
طاولة تفاوض
باعونا بتراب الدهب
لغة الحجر
بتقول أنا
حروفي انتفاضة
شريانها طفل
وقلبه مشحون
بالإرادة
وسلاحها أبطال
يحرسوها
بدون هوادة
حلفوا يحموا عرضها
حتى الشهادة
لغة الحجر تاريخ على
صفحاته إقرا
وضيف زيادة
كلمتين نفسي أقولهم
واحنا في حرب الإبادة
كل لحظة يموت شهيد
ومين بيشرب
قهوة سادة؟
العرب ؟!
باعوا القضية
لاجل أحلام السيادة[/align:3f1ca8452c]
المشاركة الأصلية كتبت بواسطة آمال وأحزان
