تحزمنا بواريد الغضب ونيران شبينه، وقفنا ويعلم الله مايهزنا الدان لو ثارت براكينه ..

جبال الكاع أحنا وأحنه شمس الله وعلى راس الكفر عنوة تعنينه ..

يالتدور غلبنا وياغشيم الراي منهو الكالك ربنا يذل دينه ..

تبشر يامحمد بيرقك مرفوع وشعار الله اكبر فوكه خطينه ...

وعلى شنهو نتشاهد ونتسمى اسلام اذا حضرة علي الكرار دنسها الامريكي ولاتنخينه ..

على شنهو نتشاهد والعراق يصيح اذا ما كلنا عد عيناك وبدمنا تحنينه ..

شنكل للكاع لو كالت أنه أمكم واليموت بذل من عمت عينه ..

شنكل للعراقيات اذا صاحن على حظكم توازينه ..

ويالتلملم علينا ملة الكفار فرعون العرب فزع ملايينه ..

نكفلك يا هبيل الراي تثبت فوك راس الموت رجلينه ..

الزلم ذيج الزلم من ثورة العشرين انشد بلير بجدوده شسوينه ..

تشابكنا معاهم والمنايا شهود واليريد يبلعنا يغص بينه ..

تبشر يامحمد دينك مدنه نموت ولانخلي الكافر يهينه ..

حوافر خيلنه داست حدود الصين ومضيقك يا جبل طارق تعدينه ..

وهذولة أحنا ولد ذولاك من دون العرب بس احنه ظلينه ..

تورثنا العرب كلها وحما الاسلام سجلناه باسامينه ..

لأنهم قاتلوا نهار وليل واحنا خمسطعش عام حروب ولا اهتزينه ..

لأن صبر العراقيين صبر ايوب ابد ما كلنا آخ ولا تشكينه ..

ولأن دجلة وفرات شما نصل للموت تحيينه ..

عمت عين الذليل المات بفراشه ولاكطع على ترابه شرايينه ..

عفن عفن يالماتبيع الروح من تسمع عراقية تحشم وين اهالينه..

بري منك محمد يالتمد ايدك للامريكان لو زاكي حليبك ما خنت بينه ..

وحدنا نقاتل الدنيا وعلى الاستشهاد كل احنا تواصينه ..

ويابوش اسمع تره احنا مو آل صباح ولا حسني الخفيف وتكدر تهينه .

يبوش أحنا النشامى الشوفوك الويل يرد مكصوص جفه الي يلاوينه ..

ابوك الجانه كبلك وشافهه بعينه وتأدب بعد ما يلهج بطارينه ..

يبوش اسمعني وخل يسمعني اقزام الخليج وكل سلاطينه

يظل شط الفرات ودجله بس لنه وسفينة نوح مرساها بشواطينه ..

ويظل هذا العراق أمنه وأبونه ولا كدر كافر يفرق بينا وبينه ..

ويظل شعب العراق بخير برغم حصارهم لليوم ما عزل دواوينه .

وتظل وحدة شعبنا لكومة الساعة وعلى الكلفات تتشابك ايادينه ..

ابد يعراك منك ما تبرينه وياخويه الشيعي لاتسمع علوج ايران أنت ابن العراك وأنته مي عينه ..

كبل جدك تحدى الطوب بالمكوار والعالم تعجب من براهينه ..

وتره المهدي ياخويه موش مهديهم والله العظيم المهدي مهدينه

وتره بنت النجف أختي وأنا السني وتره بنت الرمادي اختك ياشيعينه ..

اذا مكوار جدك ما تموت وياه تراك معير وتاريخك ندينه ..

اسف والله نجفنا تصير بيد ايران والحاخام شاه يصير والينه ..

شوكت صار قريش من العجم يا ناس؟؟ شوكت يحجي عربي بس مرة مفتينه؟؟

منعوا اسم المثنى وحتى اسم ذي قار واسم القادسية تحرم علينه ..

حجوا بخطوط حمرة وتالي شالوها ولا كالوا علي الكرار يعنينه ..

ولون يمنا علي الكرار ما عفناه للامريكان ونكول الله اليعينه ..

وهله بكل عربي من شيعة آل البيت وهلابك ذي الفقار الي تبارينه ..

وهله بغداد تونا لفزعتج جينه ، تعطلنا جثير ارجوج اعذرينه

ولوماكو عذر بس مدري شنهو الصار غفلة من الزمن وتاه حادينه ..

وفزعنه اليوم نغسل ذاك العار ومن كل الطوايف لج تعنينه ..

تنخي وشوفي يا بغداد لومال الميزان الهم نعدلج موازينه ..

تنخي وشوفي يا بغداد حتى الشايب يرد شاب ويردس باول سنينه ..

تعرف لندن فعلنا بثورة العشرين وياحوم اتبع على العدوان جرينه ..

هذوله أحنا العراقيين حاضرنه امتداد لذاك ماضينه ..

أحنه حوت نبلع الحيتان وماي البحر كله ما يغطينه ..

نتحزم للقتال حزام تي ان تي ، المسلم على ارضه وعرضه ودينه ..

ملائكة السما تفزع ورب البيت والينه ..

كسرناهم بايمان الصحابة وسيف ذي الفقار وبشيمة فدائينه ..

نكاونهم بعد قرنين وعيب نكول ملينه، ويطارش لو وصلت هناك يم بغداد وصللها تهانينه لأن صار النصر مضمون ولأن الله لوحدنا ما يخلينه ..