مستحيل

[ايمان سمير]

مستحيل ...

أرمى عمري ..في النهاية

و ابتدى .. تانى الحكاية

ياما كنت أبكى الليالي ..

و انت تمسح دموع عينية

دمعي هان ..

و ابتديت انت الأسيه

ليه يا عمري ..ده انت عمري..

ده انت كل حاجة ليا

كل عمري و دنيتي

كل فرحي..و دمعتي ..

و كل حاجه .. انت هيه

كنت ياما تقوللي بكره

بكره كله أمان وحب

جيت لقيت معدش بكره

جيت لقيتك كسرت قلب

قلب ياما حبك انت

كان هناه وفرحه انت

كانت آهاته .. كانت دموعه

كانت حياته .. برده انت

ليه يا عمري.. ده انت عمري

و كل حاجه هيه انت

إزاى تخون .. و ازاى بهون ؟

و ازاى مشاعري تكون في التراب

ليه تبيعني ليه ؟

تخدعني ليه

و يكون نصيبي منك عذاب

كل خطوة خطيناها

كل محنة.. عديناها

كل بسمة .. كل دمعه

كل حاجه...

شاهده سامعه

سامعه سكوتي و قسوتك

ما رحممت ضعفي بقوتك

ما رحممت حتى .. دموع عينية

دمعي هان..دمعي هان

و ابتديت انت الأسيه

أبعد .. ؟ أقسى ؟

أهجر .. و أنسى ؟

لا يا حبيبي ...

ده انت حبيبي ..عقلي و جنوني

ناري و لهيبي ..فرحة عيوني

برغم العذاب .. و رغم الآلام

و رغم الدموع اللي بتتحرق

هتفضل حبيبي..

و مستحيل يوم نفترق

[غيلان الاطلسي]

تحية رقيقة...

على قدر أهل القوافي تأتي القصائد وتأتي على قدر أهل القريض القوافي

و تحسن في عين الشويعر كلماتها و تبخس في عين الشاعر الشعائر

و يقنط أهل السذاجة من تلاوتهــــــا و يبهج أهل الحلم سماع السمـــــاع

الحب يتيمها بطعــــــــــــــم حـــــلاوة و البغض يزيدها بعدا على بعـــــــد


تقبل باقتي مع كامل تحياتي...
لي عودة...