المساعد الشخصي الرقمي

مشاهدة النسخة كاملة : وبخــاف أوي ....!!!



رشا عبد الرازق
02/06/2005, 09:36 PM
[align=center:fd22bacffc]

وبخاف أوي
لما القلوب تِحْدف خُطاها فـ سكّـتي
مره بسُكات
مره ببكش
والميّه من تقل الخطى
عمَّاله بطرْطَشْ على وِشْ العطش
مليون قَنايَهْ بس مش غرقانه فيها
الشمس مفروشه بعنيها
والضلَّـه مش كاسيه العشش!!!
إلا إذا طلْ المسا
رمَّان ساعات يبـقا الطريق
وساعات حَـصَا
وما بين بواقي الغـزْل فوق المرْيـله
ولحد حد العمر ما يِمد العَـصَا
علشان جِري .....
خايف ليقْسى ويِـفْتري
أحلفلُـهُ إن الحلم بردو مِسيرو ييجي بفرحتي
ده أنا سائله عـنّو ألف مره وألف مره مِخَدّتي !!!
وقالتلي جيْ...!
أسمر كما النيل اللي مالي الأرض ريْ
عايش في حته مش بعيده ع القمر
ومهوش غريب
ولا لوهشِ زيْ !!!
الصَّبر طيب يا زمن
والله جـي ْ...!!
بالـرَّاحه دنْدن خطوتي
مش كل واحد يا زمن يقدر يفصّل قسْمتي !!
المهر غالي وشبْكتي
مش في القصايد كلَّها
بكفايه زن ....!
رد الزمن :
" والله لو يِزْعَقْ على حلمِكْ نبـي ....!!!
مجنونه انتي والقمر
ومِخدِّتك منكم أجـنْ "
ضحكتني ...!
مش قادرة أردَّك يا أوي
أنا أصلي مكسوفه أوي
وبخاف أوي ...!!







وبَخاف أوي
لمَّا يقولولي ع الكلام اللي هرب من قلبي واِدّارى في ورقْ
الله جميل
طعمو على لسانك نَبَق!!!
سارق غناوي البُلبُلَه واللاَّ من الجنَّه اتْسَرق؟
مفيهوش مجال للفلسفه
ولا فـاتش يوم على مدرسه
مع إني شايفاه بالكتير
كام حاجه مش بطّاله يعني وبكره تبقى كويسه ...!!
يمكن عشان عـيّل شقي
بنت بضِيفره والشريطه مرحْرحَه
لسّاها عاشقه المرجَـحَه
يمكن عشان جوّا القلوب الصافيه شايف مطرحُـو
وياريتُه يحفظ مطْـرحي
ويشد ايدي لو يميل الحزن ويقول ريَّحي
وأسند على صدر الكلام
وأكتب كمان
حرف اتولد يوم ما اتجرحْ
الله عليه طرْح البلَح !!!
فوق الوُشوش
مليون حكايه صغـننه
بره الودع متوشوِشَه
أجمل كتير
من صقفة السمّيعة ساعة السلطنَه!
أو حتى ضحك الدردشه
أجمل أوي
ويا ريت يا حرف تكون أوي
علشان أنا
بضحك ساعات من فرحتي
وبخاف أوي ....!!!![/align:fd22bacffc]

جمال النجار
08/06/2005, 04:30 PM
[align=center:0dbfd7a0e4]

وبخاف أوي
لما القلوب تِحْدف خُطاها فـ سكّـتي
مره بسُكات
مره ببكش
والميّه من تقل الخطى
عمَّاله بطرْطَشْ على وِشْ العطش
مليون قَنايَهْ بس مش غرقانه فيها
الشمس مفروشه بعنيها
والضلَّـه مش كاسيه العشش!!!
إلا إذا طلْ المسا
رمَّان ساعات يبـقا الطريق
وساعات حَـصَا
وما بين بواقي الغـزْل فوق المرْيـله
ولحد حد العمر ما يِمد العَـصَا
علشان جِري .....
خايف ليقْسى ويِـفْتري
أحلفلُـهُ إن الحلم بردو مِسيرو ييجي بفرحتي
ده أنا سائله عـنّو ألف مره وألف مره مِخَدّتي !!!
وقالتلي جيْ...!
أسمر كما النيل اللي مالي الأرض ريْ
عايش في حته مش بعيده ع القمر
ومهوش غريب
ولا لوهشِ زيْ !!!
الصَّبر طيب يا زمن
والله جـي ْ...!!
بالـرَّاحه دنْدن خطوتي
مش كل واحد يا زمن يقدر يفصّل قسْمتي !!
المهر غالي وشبْكتي
مش في القصايد كلَّها
بكفايه زن ....!
رد الزمن :
" والله لو يِزْعَقْ على حلمِكْ نبـي ....!!!
مجنونه انتي والقمر
ومِخدِّتك منكم أجـنْ "
ضحكتني ...!
مش قادرة أردَّك يا أوي
أنا أصلي مكسوفه أوي
وبخاف أوي ...!!







وبَخاف أوي
لمَّا يقولولي ع الكلام اللي هرب من قلبي واِدّارى في ورقْ
الله جميل
طعمو على لسانك نَبَق!!!
سارق غناوي البُلبُلَه واللاَّ من الجنَّه اتْسَرق؟
مفيهوش مجال للفلسفه
ولا فـاتش يوم على مدرسه
مع إني شايفاه بالكتير
كام حاجه مش بطّاله يعني وبكره تبقى كويسه ...!!
يمكن عشان عـيّل شقي
بنت بضِيفره والشريطه مرحْرحَه
لسّاها عاشقه المرجَـحَه
يمكن عشان جوّا القلوب الصافيه شايف مطرحُـو
وياريتُه يحفظ مطْـرحي
ويشد ايدي لو يميل الحزن ويقول ريَّحي
وأسند على صدر الكلام
وأكتب كمان
حرف اتولد يوم ما اتجرحْ
الله عليه طرْح البلَح !!!
فوق الوُشوش
مليون حكايه صغـننه
بره الودع متوشوِشَه
أجمل كتير
من صقفة السمّيعة ساعة السلطنَه!
أو حتى ضحك الدردشه
أجمل أوي
ويا ريت يا حرف تكون أوي
علشان أنا
بضحك ساعات من فرحتي
وبخاف أوي ....!!!![/align:0dbfd7a0e4]
الله عليك يا رشا وانت خايفه
بصراحع ياريت تفضلى خايفه
رغم انى باكره الخوف
لكن ححبه لو معناه انك تسعدينا بكلام جميل زى ده كل يوم
لا توجد كلمات يمكن ان تقال سوى انك مبدعه رائعه
وشاعرة عبقريه
والدك
جمال النجار

wafa
10/06/2005, 01:05 PM
[align=center:a246556554]السلام عليك ورحمة الله وبركاته

رائعة أختي بكل حرف من حروف كلماتك الممتزجة بالخوف
أشكرك وبإنتظار المزيد من كتاباتك

أختك وفاء[/align:a246556554]