الف خيبة وخيبة

[حمادة زيدان]

بلغنى عن شهرذاد هذا الزمان أنة فى مكان ما وفى زمان ما أنة قد حدث ما لم يحمد عقباة وأليكم ما بلغتنى بة من غير لا مط ولا تطويل
قالت شهرزاد
مولاى فى زمان غير زماننا ومكان غير مكاننا فى مملكة اسمها مملكة الناس الغلابة وحكموة الخصخصة
ظهر مولاى للناس ملكا ظالما قاهرا لبلادة ولا يريد بها خيرا فظهر فى بلادة الفساد والرشوة وكان شباب بلادة كالناموس من كثرتهم وكان هذا الملك الرئيس لا يريد بشبابة الخير .وكان فى نفس الزمان امبراطورية كبيرة كانت تحكم العالم بقبضة من حديد فلا يستيطيع اى ملكا او رئيسا من العالم ان يقول لها لآ
وفى يوما من الايام استيقظ هذا الملك الرئيس على تليفون سيادتة الجوال يرن بنغمة خلى السلاح صاحى فأذا بة يرد على التليفون
الرئيس الملك
الو مين الى صاحانى من عز نومى
رئيس الدولة اياها
ايوة انا ياسيدى اية لسة نايم
الرئيس الملك
معلش يا باشا ما شافتش الكود بتاع التليفون انت عارف بقى السن واحكامة
رئيس الدولة اياها
اية ياسيدى انت نايم على عينك اية ما ساماعتش انة فى خطر جايلكم فى الشرق بتاعكم دة ؟
اية ما سامعتش انة هناك ناس شيعة وحشين هايقطعوكم لو ما ساعتوناش ندمرهم
الرئيس الملك
ايوة يا فندم سمعت دة حتى كان فى منهم ناس بيحاربوا ابننا الصغير هنا وعملنا كل ما قدرنا علية ربنا لكن نعمل اية الناس الوحشة دول انتصروا هانعمل اية يعنى
(بيقول سياتة هذا الكلام وهو بيضحك بس فى سرة بحكم يعنى انة مسلم)
رئيس الدولة اياها
نعم انت سياتك بتقول اية؟
مين الى انتصر دة انت بنترفزنى ولا اية؟
يعنى عاوز تفهمنى انة الجماعة الوحشة دى انتصروا على ابننا ؟
حتى لو انتصروا فدى من الخيبة التقيلة الى فيكم . يعنى ممكن تفهمنى احنا لية بنساعدكم فى المصايب الى بتعملوها فى بلادكم ولا انت فاكرنى نايم على ودنى
الرئيس الملك
(وهوة متغاظ وكاتم غيظة)
يعنى سياتك كنت هاعمل اية يعنى؟
انا اول واحد غلط الوحشيين
وانا اول واحد ادى لآبننا حق مش حقة يعنى هاعمل اية تانى حاضرتك وعموما هاردلك كل دة مع الخبطة الكبيرة مع ممول الناس الوحشة دى
رئيس الدولة اياها
طيب ياسيدى اسمعنى كويس انت طبعا كان مات واحد تباعكم فى الفراق الى احنا احررانها من
الطاغية؟
سامع حررانها من الطاغية وانت عارف ممكن بكرة اجيلك واحرر شعبك منك وانت عارف لية انت ملفك اسود اوى وعندى كلة
الرئيس الملك
عارف وسامع يا فندم والله مش هاقصر وطلبات سياتك اوامر فوق دماغنا من فوق
رئيس الدولة اياها
انت يصبح عاليك الصبح وتلم المشايخ الى تبعك وتقعد تقول الشيعة كفرة الشيعة كفرة لغاية ما الناس تصدق فاهم دى نمرة واحد
نمرة اتنين الراجل الى مات فى الفراق تخلى المجلة الكبيرة عندكم على صدر الصفحة الاولى بالبنط العريض
اكتشفنا صدفة من مبعوثنا الى فى الدولة الفلانية انة الدولة الكبيرة الى مدايقة ستنا الكبيرة هما الى موتوا السفير بتاعنا يا عينى ولازم ناخد بالرد
طيب حاضرتك الناس مش هاتصدق وبعادين انا هاخليهم يصدقوا ازاى؟
رئيس الدولة اياها
انا مالى يصدقوك ولا لأ اعمل الى بقولك عالية ولا اه
انت عارف ممكن اعملك اية وانت معتقلاتك ملاينة بالمظلومين وكمان الناس مش لاقية تاكل وكمان حاضرتك مش مدى صوت لحد غير صوتك
والمصيبة الكبيرة انت نسيت انك بعت بلدك وفلوسها فى كرشك انت وقاريبك ؟
ولا ابنك الى عاوزه يكمل سرقة فى البلد من عدك؟
هاه هاتنفز الى بقولك عالية ولا اتحرك بالدمقراطية بتاعت الشرق الاوسط الى عاوز انشرها
الرئيس الملك
حاضر حاضر بس حاضرتك ما تتعبش نفسك وانا هانفز كل الى انت عاوزة وربنا يخلى الديمقراطية يا باشا
رئيس الدولة اياها
طيب يا سيدى اى خدمات لو عاوز اى معونات اى حد تعتقلة انا فى الخدمة
الرئيس الملك
الله يخاليكى وعشت للعالم يا محرر العالم
وبعد مكالمة رئيس الدولة اياها مع الرئيس الملك ظهرت فى الاسواق كتب بعدد شعر الراس تكفر الشيعة
وكان فى صدر الصفحة الاولى عنوان يتهم دولة الشيعة بقتل السفير
وبعدها كان الرئيس الملك يجهز نفسة للحرب مع الدولة العظمى ضد دولة الشيعة وهو يجهز ايضا لخلافة ابنة لرئاسة البلد بعد والدة
وهنا ادرك الصباح وخرست شهرزاد عن الكلام المباح لأنها الان فى المعتقل
حمادة مصطفى