سمير الأمير
09/09/2006, 08:53 PM
العشق مش نيّه شعر/ سمير الأمير
(يا عينى مال الجميل مشغول ومتحير
قلولوا بدرى عليك الحيرة ياصغير)*
يا عينى مالك فى عز الضهر بتغَشى
يالوش ده وشى يالعش مش عشى
يا حمامى يا حمامى
يا غربة ايامى
شكيت ف احلامك والا ف بنانى الناس
بنّيه يا بنيّه
العشق مش نيّه
العشق له رجلين
لكن مالوش طريقين
وانا قلبى قام يمشى
قسمه الطريق نصين
يا قلب يا مقسوم
نصك غنا مطلوق
نصك بُكا مكتوم
شكيت فى ايمانك والا ف ايمان الناس
مشوارى يا مشوار
شوك السكك غدار
شوك السكك متخفى
فى أجمل الأزهار
والوش كان وشى
ونجره النجار
والوش كان وشى
وسمسره السمسار
والوش كان وشى
ماكانش بيدى قروش
والعش كان عشى وأجروه مفروش.
(صعبان عليّا يا قلب الورد يا صغيّر
والله ده كان بدري تتلوع وتتحير)*
* التقويس من أغنيه شعبيه
(يا عينى مال الجميل مشغول ومتحير
قلولوا بدرى عليك الحيرة ياصغير)*
يا عينى مالك فى عز الضهر بتغَشى
يالوش ده وشى يالعش مش عشى
يا حمامى يا حمامى
يا غربة ايامى
شكيت ف احلامك والا ف بنانى الناس
بنّيه يا بنيّه
العشق مش نيّه
العشق له رجلين
لكن مالوش طريقين
وانا قلبى قام يمشى
قسمه الطريق نصين
يا قلب يا مقسوم
نصك غنا مطلوق
نصك بُكا مكتوم
شكيت فى ايمانك والا ف ايمان الناس
مشوارى يا مشوار
شوك السكك غدار
شوك السكك متخفى
فى أجمل الأزهار
والوش كان وشى
ونجره النجار
والوش كان وشى
وسمسره السمسار
والوش كان وشى
ماكانش بيدى قروش
والعش كان عشى وأجروه مفروش.
(صعبان عليّا يا قلب الورد يا صغيّر
والله ده كان بدري تتلوع وتتحير)*
* التقويس من أغنيه شعبيه