يجرى الفرات للجنوب

[سمير الأمير]

يجرى الفرات للجنوب


يجرى الفرات للجنوب
إيه غير صراخ اليتامى يشدّنا للفرات؟
-محناش صحاب مصلحه ولا احنا كنا اخوات
-مالناش ولاد لسه ف سن الجيش

-ولا احنا غاويين انتحار
-الحرب إيه غير ساحة موات ودمار
كثبان رمال وجماجم
-إحنا مجرد حلم بالخُضره
مضروب علينا حصار الفقر والسخرة
ومندورين للهلاك بأمر رب الجنود.
يجرى الفرات للجنوب
والنيل ف عكس الإتجاه يجرى
ما كانش ليه ف العراق ضفتين
ولا نخلتين طارحين وبيت من طين
النيل ماكانش هناك بإراده
كل الحكاية أُجره أكبر شويه
والبحر مهما يفيض يحب الزياده
لكن اللى ميت غريب مالوش ديه
ولو سألت ابنك يرد عليك:-
-لو كان وطن واحد ما كنتش اغيب
وكنت أسيب دمى يحّنى الشط
على شرط نبقى زى بعض( بالظبط)
ما يكونش واحد غنى وفقرا كُتار.
_أموت معاك ازاى وعمرى عايش ميت
وعمرى عايش يدوب برقع توب قديم من توب؟
يجرى الفرات للجنوب ويجرى دجله معاه
والنيل ف قلب الصحرا عاكس الاتجاه
وكأننا مش ولاد بلاد واحده
لا حاربنا ف فلسطين ولا غنينا للوحده
كأننا جايين من كل حدب وصوب
يجرى الفرات للجنوب والطيارات فوقه
خايفه يمد إديه يمّتى فيهزنى شوقه ياخدنى هناك
أنا المحسوب ف جيش تانى
العسكرى المجنون قسمنى على نفسى وغمّانى

لا بقيت مع ولا ضد
ولا اكتفيت م الضحك ساعة الجد
أنا اللى كنت زمان بنيت السد
ورفعت راية العروبه
حاسس كإنى عبارة عن طوبة
ولو انى ديماً بافتح الراديو
على نشرة الأخبار.

[بنت الشهباء]

سلّم الله يراعكَ الوهّاج بأجمل العبر والمواعظ

أخي الكريم



سمير الأمير



ولو سألنا أنفسنا :

من الذي سمح للفرات أن يجري للجنوب بعكس الاتجاه !!؟؟؟...

من الذي فرّق بين الأهل والأحبّة !!؟؟؟...



لو حاولنا أن نجيب بصدق لعلمنا والله يا أخي السبب!! ....



فهل من معتبر !!؟؟؟...

[سمير الأمير]

الأخت الفاضلة بنت الشهباء أشكرك على تعليقك الذى أسعدنى ولكنه وضعنى أيضا فى التجربة مرة أخرى- هناك محاولة للإجابة على سؤالك فى القصيدة
_لا أريد أن أتحدث عن ماكتبت ولكن النيلوالفرات وبردى وكل الأنهار العربية لا تجرى فى نفس الإتجاه ليس بسب الجغرافيا ولا بسب التاريخ ولكن البشر لم يستوعبوا أنهم لابد ان يكونوا هناك بإرادة وليس بسب أنهم يعملون بأجر اكبر لابد أن يعمل العرب مع بعضهم
لا أن يعمل بعضهم عند بعضهم لابد ان يأتى اليوم الذى نشعر أننا معاً أمام أنفسنا لكى نكون معا أمام عدونا
لا أريد أن أطيل عليكى
ولكى كل تقديرى واحترامى
سمير الأمير

[بنت الشهباء]

الأخت الفاضلة بنت الشهباء أشكرك على تعليقك الذى أسعدنى ولكنه وضعنى أيضا فى التجربة مرة أخرى- هناك محاولة للإجابة على سؤالك فى القصيدة
_لا أريد أن أتحدث عن ماكتبت ولكن النيل والفرات وبردى وكل الأنهار العربية لا تجرى فى نفس الإتجاه ليس بسب الجغرافيا ولا بسب التاريخ ولكن البشر لم يستوعبوا أنهم لابد ان يكونوا هناك بإرادة وليس بسب أنهم يعملون بأجر اكبر لابد أن يعمل العرب مع بعضهم
لا أن يعمل بعضهم عند بعضهم لابد ان يأتى اليوم الذى نشعر أننا معاً أمام أنفسنا لكى نكون معا أمام عدونا
لا أريد أن أطيل عليكى
ولكى كل تقديرى واحترامى
سمير الأمير



وأنا هذا ما كنت أقصده أخي الشاعر

سمير الأمير

لو حاولنا أن نعود إلى أيام العزّ, ومجد الحضارة الإسلامية لوجدنا أن حوض البحر الأبيض المتوسط

كان بحيرة صغيرة في أيدي المسلمين ...

تُرى كيف استطاع المسلمون أن يوحدوا الصحارى , والبحار , والأنهار !!!؟؟؟...

أعتقد بأنّ كل مواطن حرّ شريف يعلم الإجابة , ولكن !!؟؟؟.....