النشيد الأكيد

[سمير الأمير]

النشيد الأكيد شعر/ سمير الأمير



لا شاعر ولا نيله
ولا اتعلمت من دنيتى
غير الكلام وقلة الحيله.



يأيها الناس اكرهونى
/كما تكرهون الذين حرفو الوجع النبيل عن مواضعه
وضيعوا الأوطان/

مين اللى قال:
الشعر ينجد الإنسان؟!
الشعر ميَت .. يستحق الموت
عشق الوطن بالفعل مش بالصوت
واللى يحب الوطن,
يلحق يلم اللى باقى
باقى فدائى/ انتحارى/ شهيد

/أياً ما تدعوا فهو النشيد الأكيد/
من يوم ما بقت الأغانى هيصه كدابه

وبقت تسالى لسباع الوهم ف الغابه
انشق ليل الوطن عن فجر تانى جديد
برقت شموس الفعل
بهتت حروف الكتابه
لما العيال شالت حجاره
ورجمت الدبابه