المساعد الشخصي الرقمي

مشاهدة النسخة كاملة : مها كلمة مصرية



جمال النجار
25/10/2004, 09:16 PM
اعزائى
اسمحوا لى ان اعرفكم على ابنتى الحبيبة الدكتورة/ مها
كما اراها

مصر المحروسة الأبية
باعته تحية لكل الدول والشعوب العربية
واحدة من أغلى ولادها وأحفادها
تقول كلمتها وتنطق بصوتها
وتفضل هنا معاكم فى منتداكم
بسمة أمل وكلمة حرة وأبية
بس بلهجة مصرية
الكلمة المصرية اسمها مها الفدائية العبقرية
روح إيزيس فيها
وجمال نفرتيتى فى عنيها
وفى قلبها إيمان مارية
ماهى برضه موش انسية
دى روح ايزيس الحية
تلاقيها فى تاريخنا كله مستخبية
شفتها فى فلسطين فى تمانية واربعين
بطبطب على الفدائيين بحنية
وفى سبعة وستين
وقفت على القنال تساعد اللى راجعين مكسورين
وصمدت تحت الشمس والمطر
ومسكت ايد الرفاعى وهو دايس على الخطر
ماهى بنت مصرية
الجدعنة طبع جواها
وشجاعة
وساعة الجد فدائية
اصلها عندية
وهى كمان بهية
اللى الابنودى غنى ليها
علشان بهية الحرة تلبس القصب والف تمثال على الترعة يتنصب
لا ورقيقة وذكية
تكتب كلام جميل فى الحب والملاغية
اصلها رومانسية
والاكادة بتكتب كمان فى الوطنية والقومية العربية
وبتحلم بالكرامة والحرية
لا وكمان مثقفة
وعلى العز متربية
تقرا موليير ولامارتين وتناقش ابن سينا وارسطو وافلاطون ماهى غلباوية
علشان كده باناديها واقولها يا ستنا وتاج راسنا وشرفنا وعرضنا
ماهى مثال جميل وجليل للبنت المصرية
دى يا جماعة كلمة مصر وهدية من ايزيس
لكل الاحرار والاشراف فى الشعوب العربية الحرة الابية
واسمها مها المصرية

جمال النجار
مجرد واحد من بتوع العيش الحاف
والموت فى الحرب
والضرب بسن الكعب
مجرد واحد من الشعب

طارق شفيق حقي
26/10/2004, 02:10 AM
اسمحوا لى ان اعرفكم على ابنتى الحبيبة الدكتورة/ مها

يا سيدي يا بختها بق

رغم أني أحث على الكتابة بالفصحى لكني كتبت الكلمتين أعلاه من تأثري بكلام عمنا جمال ا لنجار
يتكلم عن ابنته الدكتورة وكأنه يتكلم عن مصر أم الدنيا

ألفة وتناغم عجيب
لا ادري ما أقول حقا يجب علي أن أعود مرة أخرى
تحياتي لعمنا وللدكتورة مها جمال النجار

جمال النجار
26/10/2004, 11:22 AM
اسمحوا لى ان اعرفكم على ابنتى الحبيبة الدكتورة/ مها

يا سيدي يا بختها بق

رغم أني أحث على الكتابة بالفصحى لكني كتبت الكلمتين أعلاه من تأثري بكلام عمنا جمال ا لنجار
يتكلم عن ابنته الدكتورة وكأنه يتكلم عن مصر أم الدنيا

ألفة وتناغم عجيب
لا ادري ما أقول حقا يجب علي أن أعود مرة أخرى
تحياتي لعمنا وللدكتورة مها جمال النجار
هههههههههههههه
صباح الفل يا عم طارق
مها ابنة اخى
وهى فعلا تشبه مصر حتى انى عندما استنطقت مصر استنطقتها على لسانها فكتبت مها تتحدث عن نفسها اتمنى ان اعرضها عليكم يوما
واعتقد ان ما تكتبه هنا يجعل من حقى ان افتخر بها
صباحك زى الفل
انا سعيد بتواجدك و سعيد جدا بحرصك على اللغة العربية الفصحى وان كنت الجا الى الكتابة بالعامية فما ذلك الا لحرصى ان تصل المعانى التى اريدها الى اكبر عدد لانى اعرف ات الكثيرين يفضلون العامية وفى نفس الوقت لا اخشى على الفصحى لانى ادرك ان رجالها متواجدون وان عشاقها متواجدون ويبذلون كل الجهد من اجلها
شكرا لك يا اخى
صباحك زى الفل
اخوك
جمال النجار

راهب الشوق
26/10/2004, 12:05 PM
تحياتي لك وللدكتوره مها

ههههههههههههه

الن تكتب في حورس شيء ؟؟؟؟

:wink:


تقبل تحياتي

حورس ابن عمتك :twisted:

طارق شفيق حقي
26/10/2004, 04:31 PM
اسمحوا لى ان اعرفكم على ابنتى الحبيبة الدكتورة/ مها


تحياتي لعمنا وللدكتورة مها جمال النجار

صباحك زى الفل
انا سعيد بتواجدك و سعيد جدا بحرصك على اللغة العربية الفصحى وان كنت الجا الى الكتابة بالعامية فما ذلك الا لحرصى ان تصل المعانى التى اريدها الى اكبر عدد لانى اعرف ات الكثيرين يفضلون العامية وفى نفس الوقت لا اخشى على الفصحى لانى ادرك ان رجالها متواجدون وان عشاقها متواجدون ويبذلون كل الجهد من اجلها
شكرا لك يا اخى
صباحك زى الفل
اخوك
جمال النجار

اريد ان أثبت هنا أني اخالفك الراي حول الفصحى اذ ان الكثيرين لم يعودوا يفهمون
القران الكريم اذ ابتعدوا عن اللغة الفصحى
كذلك جدارالعامية تعير جدار فاصلا عن التواصل بين العرب خاصة في النت
لأنه انتفت القطرية وذلك مكسب لنا.......عذرا من مقاطعة الموضوع

جمال النجار
26/10/2004, 07:01 PM
تحياتي لك وللدكتوره مها

ههههههههههههه

الن تكتب في حورس شيء ؟؟؟؟

:wink:


تقبل تحياتي

حورس ابن عمتك :twisted:
عندما ارضى عن حورس ساكتب عنه الكثير
فكلماتى لا تعبر الا عن الحقيقة وبدون اى مجاملة
مساءك زى الفل
جمال النجار