ثروت سليم
09/04/2006, 12:16 PM
كـــــدبـــة كبيــــرة
كلمات : ثروت سليم
ـــــــــــــــــــــــــــــــــــــ
قالت تسافر أو تغيب عني السنين
مش رح تنام عيني ولا يموت الحنين
مش ممكن انسى ضحكتك أو طلعتك ... أو أنسى ليل السهرانين
روح لو تغيب مليون سنة ..تبقى هنا.. جِوا الفؤاد
لاالشمس حتغيب عننا ولا القمر ينسى المعاد
والليل ما يطوي حبنا مهما يطول بينا البعاد
سافر وخُدْ لك من ضفايري شَعرة يمكن تِفْتِكرْ
واكتب لي كلمة حب حلوة فوق جناحات القمر
وابعتلي في الأحلام شفايفك كل ليله حنتظر
أبعتلي تعويذِة حماية حُبِنَا ضد الحسدْ
وإن حد وقَّع بينا اسمع نبض قلبك للأبدْ
وانت اللي قلبي بين إيديك بيحس بالعون والمدد
قالت وعادت والكلام في الحب أغلى من الدهب
ورسَمْت أحلامي وكلامها فوق جبيني اللي انكتب
وف يوم رجعت عشان نحقق حلمنا
ونرجّع اللي ف يوم حلِمنا يكون لنا
ورجعت وف عيني الفرح والقلب ينبض بالهنا
وحملت على كتفي الحرير ..وعطور.. ونعمة ربنا
لكِنْ وطيارتي بتهبط في المطار,,
بصيت من الشباك وقلبي طفل بيخاف انتظار
بصيت لقيت البدر يبكي والنجوم عايشة ف مرار
وسألتها : إيه اللي خلى البدر بيعيش إنكسار؟
إيه اللي خلاكي حزينة وتايهة يا شمس النهار؟
إيه اللي بكاكي يا نجمة حُبي قولي تكلمي ؟
هاتي إيديكي ..واحضنيني ... وسَلِّمي ,,,
زادت دموع النجمة كل ما اضمها
حلَّفتها بكل المودة واللي بينا سألتها
قالت: حزينة عليك من غدر الحبيبة ومكرها
إنساها أوعى تروح لها
وانسى السنين اللي قضيتها ف حبها
باعت يا ريتك بعتها
ووقفت في أرض المطار ..محتار.. أدَّوَرْ شكلها
عن وجه يشبه وجهها..عن شعر يشبه شعرها
عن حس يشبه حســــها
قالوا سلامتك ..إيه حصلك في غيابك عننا
خلينا نسألك حكيم قلت لهم أعرف مين أنا
لكن قولولي هي راحت فين؟ قالوا لي من سنة
راحت لغيرك وأنت تحلم بالهنا
وعرفت إني بعيش ف كدبة كبيرة وف حلم وسراب
في زمان ميعرفش الوفا ومكان ميعرف الاغتراب
فين الوعود؟ مليون سنة ؟ فين الوفــا ؟
فين الكلام الحلو ساعات الصفــــــــــــا ؟
إيه فايدة الشَّعرة اللي عندي والضفاير عند غيري ؟
إيه لازمة الصورة اللي عندي والحنان طار ويا طيري ؟
لا الشَّعرة حتعيد الحنان ..لا الصورة حترجع زمان
المسألة كدبة وضاع مني الأمان
صدق اللي قال :
اللي بعيد ع العين بعيد ع القلب أبعد م المكان
الله يعينا ع اللي كان ... الله يعينا ع اللي كان,,,,,,,,,
ثــــروت سليم
لأول مرة أكتب هذا النوع من الخواطر بلهجتي المصرية أما قصيدة الفصحى فهي الأصل عندي عموما
أرجو أن تعيشوا مع هذه الدراما الغنائية وتعجبكم مع تحياتي
كلمات : ثروت سليم
ـــــــــــــــــــــــــــــــــــــ
قالت تسافر أو تغيب عني السنين
مش رح تنام عيني ولا يموت الحنين
مش ممكن انسى ضحكتك أو طلعتك ... أو أنسى ليل السهرانين
روح لو تغيب مليون سنة ..تبقى هنا.. جِوا الفؤاد
لاالشمس حتغيب عننا ولا القمر ينسى المعاد
والليل ما يطوي حبنا مهما يطول بينا البعاد
سافر وخُدْ لك من ضفايري شَعرة يمكن تِفْتِكرْ
واكتب لي كلمة حب حلوة فوق جناحات القمر
وابعتلي في الأحلام شفايفك كل ليله حنتظر
أبعتلي تعويذِة حماية حُبِنَا ضد الحسدْ
وإن حد وقَّع بينا اسمع نبض قلبك للأبدْ
وانت اللي قلبي بين إيديك بيحس بالعون والمدد
قالت وعادت والكلام في الحب أغلى من الدهب
ورسَمْت أحلامي وكلامها فوق جبيني اللي انكتب
وف يوم رجعت عشان نحقق حلمنا
ونرجّع اللي ف يوم حلِمنا يكون لنا
ورجعت وف عيني الفرح والقلب ينبض بالهنا
وحملت على كتفي الحرير ..وعطور.. ونعمة ربنا
لكِنْ وطيارتي بتهبط في المطار,,
بصيت من الشباك وقلبي طفل بيخاف انتظار
بصيت لقيت البدر يبكي والنجوم عايشة ف مرار
وسألتها : إيه اللي خلى البدر بيعيش إنكسار؟
إيه اللي خلاكي حزينة وتايهة يا شمس النهار؟
إيه اللي بكاكي يا نجمة حُبي قولي تكلمي ؟
هاتي إيديكي ..واحضنيني ... وسَلِّمي ,,,
زادت دموع النجمة كل ما اضمها
حلَّفتها بكل المودة واللي بينا سألتها
قالت: حزينة عليك من غدر الحبيبة ومكرها
إنساها أوعى تروح لها
وانسى السنين اللي قضيتها ف حبها
باعت يا ريتك بعتها
ووقفت في أرض المطار ..محتار.. أدَّوَرْ شكلها
عن وجه يشبه وجهها..عن شعر يشبه شعرها
عن حس يشبه حســــها
قالوا سلامتك ..إيه حصلك في غيابك عننا
خلينا نسألك حكيم قلت لهم أعرف مين أنا
لكن قولولي هي راحت فين؟ قالوا لي من سنة
راحت لغيرك وأنت تحلم بالهنا
وعرفت إني بعيش ف كدبة كبيرة وف حلم وسراب
في زمان ميعرفش الوفا ومكان ميعرف الاغتراب
فين الوعود؟ مليون سنة ؟ فين الوفــا ؟
فين الكلام الحلو ساعات الصفــــــــــــا ؟
إيه فايدة الشَّعرة اللي عندي والضفاير عند غيري ؟
إيه لازمة الصورة اللي عندي والحنان طار ويا طيري ؟
لا الشَّعرة حتعيد الحنان ..لا الصورة حترجع زمان
المسألة كدبة وضاع مني الأمان
صدق اللي قال :
اللي بعيد ع العين بعيد ع القلب أبعد م المكان
الله يعينا ع اللي كان ... الله يعينا ع اللي كان,,,,,,,,,
ثــــروت سليم
لأول مرة أكتب هذا النوع من الخواطر بلهجتي المصرية أما قصيدة الفصحى فهي الأصل عندي عموما
أرجو أن تعيشوا مع هذه الدراما الغنائية وتعجبكم مع تحياتي