لمين اشتكيك؟ عاميه مصرية/ سمير الأمير

[سمير الأمير]

لمين أشتكيك؟ شعر / سمير الأمير

لمين اشتكيك؟
وانت المدى منك اليك
حتى عتابك مل أعتابك
واحنا اللى ياما عصرنا عِنابك
وف الشده عِناك وعِنا بك
وزرعنا فيك عمرنا.. توتك ولبلابك
دى الوقتى ليه فرحان بالصوت الغبى
وبحضور الأجنبى ف غيابك؟
تفتى على العشاق بغيه بك
وتدق قلب العيال الخضر بكعابك
علشان تروق الدنيا لكلابك!!
آه يا وطن بين الضلال والعُهر
يا منتسب للكفر ناسى أنسابك
و أنا اللى كانت روحى أنسا بك
وف ذل ليل القهر انا كنت أنسى بك
رهنتنى للعسكرى المجنون نابنى اللى نابنى
و نابك..
تفتح أيديك للطعون صهيون
وف قلبى أنا نابك!!
ولو صرخت ف يوم
تقولى مين يا سمير دخّلك؟ مين أنابك؟
طب قولى مين
فى عشق طمى النيل؟
داق العذاب و الويل
ومين لما يطلعوا الشُهداء
بيموت شهيد
عشان يطلع .. منابك؟
...
شيل بقه من قلبى يا وطن نابك!!.

[ثروت سليم]

يا مرحبا أبو سمرة هنا والله زماااااااااااااااان
وحشتنا كثيرا
طيب اسمع يابن خالي :
ممكن يشيل الوطن من جُعبتك نَابه ؟؟
وانت اللي روحه وأحبابه وأصحابه
مين حرره ياسمير مين اللي صان بابه
إلا انت يوم الوغَى وانت اللي ادرى به
ثروت سليم
محبتي وتقديري

[سمير الأمير]

الصديق العزيز الشاعر المبدع ابن عمتى/ ثروت سليم
لك بكل حرف من حروف كلماتك قطعة من الروح
كانت تلك كتابة أولى وعندما استقر شكل القصيده لم اتمكن من تعديلها ولكن يكفى انها اعجبتك
لك محبتى
سمير